Nýtt hefti Ritraðar Guðfræðistofnunar

Fyrra hefti Ritraðar Guðfræðistofnunar árið 2019 er komið út. Í ritinu er að finna greinar um margvísleg guðfræðileg umfjöllunarefni, til að mynda trúarleg stef í textum sönglaga Sigvalda Kaldalóns, aðskilnað ríkis og kirkju og trúarlegt framlag Frans páfa og Walters Brueggemann til samtímaumræðu um réttlæti og almannaheill. Tímarit er gefið út í rafrænu formi og er opið öllum.

Íslenska og útlendingar

Eiríkur Rögnvaldsson skrifar um stöðu íslenskunnar: „Við þurfum að átta okkur á hættunni á því að við séum að búa til tvær þjóðir í landinu – „okkur“, sem tölum góða íslensku og sitjum að bestu bitunum hvað varðar völd, áhrif, menntun, tekjur o.s.frv. – og svo „hina“, þá sem tala ófullkomna eða enga íslensku og sitja fastir í láglaunastörfunum, áhrifalausir á öllum sviðum þjóðfélagsins.“

Aftökur og dauðadómar á Íslandi

Viðtal við þrjá af aðstandendum verkefnisins Dysjar hinna dæmdu, en markmið þess er að leita upplýsinga um þá einstaklinga sem teknir voru af lífi hér á landi tímabilið 1550-1830.

Engill dauðans

Silja Björk Björnsdóttir sá argentísku kvikmyndina El Ángel. Hún gaf engar stjörnur.

Svöðusár tímans

Silja Björk Björnsdóttir fór í Bíó Paradís að sjá Transit. Hún gaf engar stjörnur.

Ritið 1/2019: Kynbundið ofbeldi

Öðru sinni beinir Ritið, tímarit Hugvísindastofnunar, sjónum að kynbundnu ofbeldi og sýnir sá fjöldi greina sem þar birtist hversu þörf og víðtæk sú umræða er. Í heftinu eru birtar átta greinar um efnið, þar af sex ritrýndar en þær óritrýndu eru þýðingar á textum tveggja skálda, þeirra Auðar Övu Ólafsdóttur og Nailu Zahan Ana.

Heimili fátæks fólks á fyrri tíð

Út er komin bókin Híbýli fátæktar: Húsnæði og veraldleg gæði fátæks fólks á 19. og fram á 20. öld, eftir þau Finn Jónasson, Sólveigu Ólafsdóttur og Sigurð Gylfa Magnússon. Hugvarp ræddi við tvo af höfundunum.

Um porthéra og húspláss

Fyrir skömmu birtist í hinu virta breska tímariti Women´s History Review greinin „Transculturation, contact zones and gender on the periphery. An example from Iceland 1890–1920“ eftir Írisi Ellenberger. Í greininni birtist hluti niðurstaðna Írisar úr nýdoktorsverkefni hennar Mót innlendrar og erlendrar menningar í Reykjavík 1890–1920 sem hún vann með styrk frá Nýliðunarsjóði Háskóla Íslands.